睇人仆街最開心｜科隆大教堂前嘅打擊😩
女神 : 咦，個相機袋呢？
🚗 : 米係相機架下面囉
女神 : 冇喎！得兩個Backpack炸喎！
🚗 : 冇理由嫁！我明明放左佢係backpack上面先走過黎嫁！
女神 : 真係冇呀！
🚗 : 唔通比人偷左😱
女神 : 下！我個銀包係入面喎😱
🚗 : 下😱PK啦！你做乜放個銀包入個最易攞走嘅袋到？
女神 : 係你放嫁😡頭先行教堂個陣攞咗銀包出黎，你話唔方便所以就咁塞左落我個相機袋！
🚗 : 下😩入面成€400嫁喎😨仲有車飛同支鏡頭，仲有信用卡同提款卡...
.
睇到咦到，大家都知發生咩事啦！
Post咦張相嘅原因
唔係因為佢靚，唔係因為要曬命😢
係因為呢張相價值€700，姐係當時嘅$6000港紙😭😭😭
我真係覺得自己好蠢！
明明有德國提款卡，
我哋都仲要㩒成千歐羅過去！
仲要係咪都洗晒我啲錢先，
所以其實女神係就咁帶咗€400過去送俾個賊🙄
.
就係因為個一時三刻嘅方便，我地由豪遊變成窮遊😭
除咗冇晒手頭上大部份現金之外，
仲因為我銀行入面嘅生活費洗得7788，
輪到洗女神個啲啦！
點知佢依家先來唔見咗啲提款卡同信用卡！
.
女神 : 明明係你整唔見！關我咩事😡
🚗 : 係嘅，係我錯！千錯萬錯都係我錯！
.
不過就係因為咦次嘅經歷，
我哋之後嗰幾個月都小心左好多！
同埋唔係因為呢個小插曲，
我都唔會發現，就算發生啲咁嘅事，
我同女神都唔會嗌到交，
同埋平時好冷靜嘅女神💁🏻
遇到啲咁嘅事都會好騰雞😫
.
仲有，原來係你危急嘅時候，
最幫到你嘅係屋企人👨🏻👩🏻👧🏻🐱
多得佢地我先可以cut晒女神嘅所有提款卡信用卡，再幫佢申請過新嘅！
.
大家去旅行嘅時候記得要
小心啲！小心啲！小心啲！
因為好緊要所以要講三次！
仲有再一次證實我嘅理論，
Backpack因為太重所以唔會俾人偷🙈
女神 : 傻啦！犯罪集團成個喼都偷得走啦！
--------------
都係果句啦！
會睇到呢度嘅，應該剩係得會等同睇我出post嘅人😂
致有睇晒嘅咁多位：
唔好意思呀！
因為忙於Final，所以冇時間講故仔！
補完20個鐘頭眠，終於有精神去出圖！
各位久等啦！
🚗 : 係呀！我未收皮架！
Search